Një nga vlerat më të mëdha të Strugës është harmonia dhe bashkëjetesa mes kulturave të ndryshme që e pasurojnë këtë qytet. Kisha kënaqësinë të takohesha me përfaqësuesit e Partisë së Vllehëve nga Maqedonia, me të cilët biseduam për këto vlera dhe për mundësitë e bashkëpunimit në të mirë të qytetit tonë.
Gjatë takimit, u theksua rëndësia e rivendosjes së mësimit të gjuhës vllehe në Komunën e Strugës, si një hap i domosdoshëm për ruajtjen dhe promovimin e identitetit kulturor të komunitetit vlleh.
E kam thënë dhe do të vazhdoj ta them me krenari: do të jem kryetar i të gjithë qytetarëve të Strugës, pa dallim etnie, feje apo bindjeje politike. Do të punoj me përkushtim për një qytet ku çdo qytetar ndihet i respektuar, i përfshirë dhe i vlerësuar.
Mendi Qyra