Kanë kaluar 55 vite që prej se astronauti i Apollo 8, Bill Anders shkrepi një foto ikonike që do të ndryshonte perceptimin e njerëzve për botën tonë përgjithmonë.
E njohur si “ngritja e Tokës,” imazhi kapte blunë e planetit ndërsa “notonte” në errësirën e përjetshme të hapësirës.
Tashmë, orbituesi i parë hënor i Koresë së Jugut ka risjellë “ngritjen e Tokës”, por kësaj radhe fotot janë bardhezi dhe në to shfaqet Toka dhe Hëna.
Danuri, një bashkim i fjalëve koreane për “hënë” dhe “shijoj”, u lëshua me anë të një rakete SpaceX nga SHBA në gusht 2022 dhe hyri në orbitën hënore muajin e kaluar.
Që nga dhjetori, orbituesi hënor ka dërguar foto mbresëlënëse të planetit tonë dhe sipërfaqes hënore, duke përfshirë këto këtu ato që janë postuar në faqen e internetit të Institutit Korean të Kërkimeve Ajrore.
Fotografitë përfshijnë një sërë peizazhesh hënore dhe një fotografi të Tokës që ngrihet mbi horizontin e hënës.