Mbulimi i karrocës së fëmijës me leckë ose napë nuk është aq i pafajshëm sa mund të duket. Shumë prej nesh shohin prindër që mbulojnë karrocat e fëmijëve të tyre me batanije ose copa të tjera pëlhure në ditët me diell, kështu që ju do të thoni me të drejtë, çfarë mund të shkojë keq?
Pediatrit zbuluan se duke mbuluar një karrocë fëmijësh me napë (edhe nëse është e hollë), ne mund të krijojmë një efekt serë, duke bërë që fëmija të mos ndihet mirë dhe potencialisht ta çojë atë në mbinxehje. Është gjithashtu e vështirë të thuash se si ndihet me të vërtetë fëmija juaj sepse nuk mund t’i shihni përmes batanijes ose napës.
Më mirë qëndroni në hije ose përdorni një çadër për të mbuluar fëmijën tuaj.
Përdorni një karrocë fëmijësh me një tendë dhe një hapje në pjesën e prapme që mund të sigurojë rrjedhën e ajrit të nevojshëm.
Kontrolloni fëmijën tuaj çdo 10-15 minuta dhe sigurohuni që ai të mos ndihet i nxehtë./ Living
