minibus hire UK cloud hosting petrol station near me struga Lajme shqiperia lajm cloud hosting find cheapest fuel minibus hire Leeds
Vaksina në Ballkan do shpërndahet në të njëjtën kohë me vendet e BE - Struga.info


Vaksina në Ballkan do shpërndahet në të njëjtën kohë me vendet e BE

Pinterest LinkedIn Tumblr +
Vaksina në Ballkan do shpërndahet në të njëjtën kohë me vendet e BE

Vaksinat kundër koronavirusit do të jenë të disponueshme edhe në Ballkanin perëndimor. Komisioneri për zgjerimin Oliver Varhelyi njoftoi se Brukseli po përgatitet për të siguruar shpërndarjen në vendet e rajonit.

 

OLIVER VARHELYI

KOMISIONERI EUROPIAN PËR ZGJERIMIN

Advertisement

 

“Ne jemi duke punuar për të siguruar që vaksinat Covid-19 të vihen në dispozicion për Ballkanin Perëndimor sa më shpejt, sapo të fillojë shpërndarja në territorin e BE-së. Po ndajmë fonde për aranzhimet mbështetëse dhe koordinuese. Në pandemi qëndrojmë pranë Ballkanit Perëndimor, e ardhmja e të cilit është në BE.”

 

Përmes një video-konference, Varhelyi bisedoi me ministrat e Jashtëm të vendeve të rajonit, ku mori pjesë edhe Gent Cakaj. Përmes një postimi në rrjetet sociale ministri i jashtëm në detyrë theksoi se gjatë bisedimit me komisionerin evropian ai ka kërkuar që shpërndarja e vaksinës në Shqipëri të bëhet në të njëjtën kohë me Bashkimin Europian.

Advertisement

 

GENT CAKAJ

 

“Përderisa puna për të siguruar vaksinën sa më shpejt po vazhdon, sot i kërkuam Komisionerit që politika e vaksinimit e BE-së të zbatohet njëherazi edhe në Shqipëri. Në këto rrethana jashtëzakonisht të vështira, ky do të ishte shembull i jashtëzakonshëm i solidaritetit mes vendeve të Ballkanit Perëndimor dhe BE-së.” 

Advertisement

 

Vaksinat janë planifikuar të dërgohen në rajon në dy mënyra. I pari është programi i Organizatës Botërore të Shëndetësisë, COVAX, i cili mundëson që vendet me të ardhura të ulëta dhe të mesme të sigurojnë vaksinën ndërsa i dyti  është përmes shteteve individuale, që do të kenë tepricë vaksinash.  Agjencia Evropiane e Barnave pritet t’i miratojë vaksinat për tregun evropian këtë të hënë, ndërsa vaksinimi në BE do të nisë më 27 dhjetor.

Share.

Comments are closed.

Copyright © 2024 Struga.info | Privacy policy