Presidenti i Malit të Zi, Millo Gjukanoviç shprehet se shumë shpejt mund të formohet një koalicion i gjerë duke vlerësuar kapacitetin demokratik të Lëvizjes Qytetare URA drejtuar nga Dritan Abazoviç.
“Periudha kur Mali i Zi u nda në separatistë dhe unionistë është pas nesh, tani është ndarë në ata që e dëshirojnë atë në Evropë dhe ata që nuk e duan,” – u shpreh presidenti.
Siç thekson kreu i Shtetit, nacionalizmi i Serbisë së Madhe po përpiqet të ndikojë në mënyrë malinje në Malin e Zi nën moton e re të botës serbe, pa hequr dorë nga Serbia e madhe si një projekt të cilit i është ndryshuar vetëm emri.
Presidenti malazez akuzoi qeverinë aktuale, duke thënë se është formuar nën kujdesin e Kishës Ortodokse Serbe.
Më 30 gusht te vitit te kaluar, zgjedhjet parlamentare, i fitoi opozita, Fronti Demokratik proserb me kryeministër Zdravko Krivokapiç duke i dhënë fund qeverisjes së Partisë së Gjukanoviç, në pushtet prej vitit 1991.
