“Rama na ka nxjerrë në shitje”/ Protestë kundër vaksinës me detyrim në Tiranë

Dhjetëra qytetarë janë mbledhur sërish këtë të shtunë në sheshin “Nënë Tereza” për të protestuar kundër vaksinimit me detyrim për Covid-19.

Përfaqësues të Shoqërisë Civile dhe qytetarë iu bënë thirrje prindërve që të mbrojnë fëmijët e tyre, ndërsa ftuan studentët e pavaksinuar që t’iu bashkohen në protestë nëse nuk lejohen të futen në universitet.

“Kjo nuk pandemi, por genocid. Po na cenohet e drejta jonë për të zgjedhur”, u shpreh një student.

Nga ana tjetër, aktiviti Kreshnik Osmani përsëriti qëndrimin e tij se pandemia është një çështjë politike.

“Është çështje politike e klasit të parë. Edi Rama e ka vënë këtë vend në shitje. Na ka nxjerrë si popull në shitje.”