Një modele kolumbiane, Aida Victoria Merlano, arriti të ndihmonte të ëmën që të arratisej nga burgu, duke shpërqëndruar rojen e sigurisë me “hiret” e saj.
Në vitin 2019, nëna e 21-vjeçares, Aída Merlano Rebolledo, asokohe 38 vjeçare, u bë senatore e vendit, por u shkarkua nga autoritetet me akuza manipulimi të votave, korrupsion dhe armëmbajtje pa leje. Ajo u arratis disa javë pasi mori dënimin me 15 vjet në një burg në Bogota.
Rebolledo kishte shkuar te dentisti së bashku me rojen e burgut dhe një shofer, ku u lejua të hynte e vetme. Por, përmes një litari ajo arriti të dilte nga dritarja. Jashtë klinikës, atë e priste një burrë me motoçikletë dhe arratiset.
Nga ana tjetër, modelja është shfaqur në kopertinën e një reviste, ku shihet e zhveshur me një palë pranga në duar, ku shkruhej: “Bija e kongresmenes së arratisur rrëfen mëkatet.”
Modelja Aída Victoria Merlano është arrestuar tashmë nga policia dhe po gjykohet.
