Temperaturat e ulëta që kanë përfshirë vendin po krijojnë akull e ngrica në rrugë, duke shkaktuar vështirësi në qarkullimin e automjeteve.
Aksi nacional Elbasan-Qafë Thanë mbetet një rrezik për shoferët që lëvizin pa goma dimërore. Për këtë arsye policia ka rritur masat me qëllim parandalimin e aksidenteve. Në të gjithë këtë segment janë vendosur pesë patrulla, të cilat monitorojnë dhe këshillojnë drejtuesit e mjeteve që të ulin shpejtësinë.
Kontrollet zhvillohen në të gjithë aksin problematik.
Për shkak të fluksit të shtuar te vizitoreve drejt juglindjes, autoritetet u bëjnë thirrje shoferëve që të shmangin oraret e papërshtatshme për të lëvizur, edhe pse rrugët janë të hapura.
“BASHKIM BIÇAKU
SHEF I QARKULLIMIT RRUGOR, ELBASAN
Drejtuesit të jenë të pajisur me goma dimërore me zinxhirë. Duhet të shmangin orët e papërshtatshme që ka temperatura të ulëta që të mos bëjnë lëvizje të panevojshme, për të mos krijuar rrezik për vete dhe të tjerët. Aksi është i kalueshëm, nuk ka probleme.”
Policia thotë se ka marrë të gjitha masat për mbarëvajtjen e qarkullimit rrugor.
“SELMA BALLA
EFEKTIVE E POLICISE RRUGORE
AdvertisementJemi duke patrulluar 24 orë. I këshillojmë të gjitha mjetet që kalojnë për përdorimin e zinxhirëve gomave dimërore që të mos kenë probleme në qarkullim dhe aksidente.”
Rruga kombëtare nga Elbasani në Qafë Thanë kalon në pjesën më të madhe të gjatësisë së saj, buzë lumit Shkumbin dhe ka shumë kthesa. Ajo konsiderohet e rrezikshme, nëse nuk respektohen rregullat e qarkullimit.
