Sekretari i Përgjithshëm i Partisë Demokratike, Gazment Bardhi akuzon ish-kryeinistrin Sali Berisha se po demaskon veten dita-ditës duke sulmuar PD-në dhe demokratët.
Në një postim në “Facebook”, Bardhi vë në dukje mungesën e artikulimit të fjalëve nga ish-kryeministri në drejtim të Ramës dhe kandidatëve socialist që do të garojnë në zgjedhjet e 6 marsit.
Reagimi i plotë:
Sali Berisha po demaskon veten dita ditës duke sulmuar vetëm Partinë Demokratike dhe demokratët. Asnjë fjalë për kandidatët e Partisë Socialiste në zgjedhjet e 6 Marsit. Vetëm fyerje, sharje, shpifje dhe intimidim për kandidatët e Partisë Demokratike. Betejën e ka me PD dhe demokratët, jo me regjimin e Edi Ramës. Këtë metodë ka futur edhe tek ato pak njerëz që i shkojnë nga pas në 6 bashkitë. Nuk i interesojnë demokratët, nuk u intereson fitorja e tyre, i intereson vetëm të furnizojë me “karburant” revolucionin e tij imagjinar bashkë me Ilir Metën kundër SHBA. Çdo votë për “Shtëpinë e Ilirit” është votë kundër demokratëve, kundër PD, dhe votë që fuqizon pushtetin e Edi Ramës.
