Për të pestën herë, banorët e 5 Majit, Paskuqanit, Laprakës dhe Kodrës së Priftit protestuan para parlamentit për shembjen e banesave të tyre që preken nga projekti i rindërtimit dhe rikualifikimit urban.
Thirrja e parë e tyre është lirimi i personave të arrestuar që bënë rezistencë gjatë shembjes së banesave të tyre.
BANORËT
“I bëj thirrje qeverisë, gjykatës, drejtësisë që të lirojnë fëmijët tanë. Unë e kam djalin në burg, ai është i sëmur, me tension. Unë kam vajtuar në shtëpi, si mund të rrijë nëna pa birin?! Ti lirojnë të arrestuarit. As në Afganistan nuk e kanë bërë kështu. I bëj thirrje rinisë, popullit shqiptar, që të hapi sytë dhe veshët, dhe të marrë në dorë fatin e këtij vendi”.
Banorët kërkojnë që të rishikohen ligjet për shpronësimin, si dhe bëjnë thirrje që SPAK të nisë hetimet.
Protestuesit thonë se po përballen me një situatë që I ngjan një lufte.
Referuar bashkisë Tiranë, të gjithë qytetarët që preken nga procesi i shpronësimit do të kompensohen 100% me çmimin e referencës, për të njëjtat metra katrorë që kanë.
