Autoritetet ukrainase kanë publikuar pamjet që tregonin momentin kur forcat ruse kapën kryebashkiakun e Melitopolit, një qytet në Ukrainën juglindore që ra nën kontrollin rus gjatë pushtimit.
Ministria e Jashtme e Ukrainës akuzoi Rusinë për shkelje të ligjit ndërkombëtar, duke rrëmbyer kryetarin e bashkisë, Ivan Fedorov. Rusia nuk ka bërë komente mbi fatin e Fedorov, ndërsa Ukraina thotë se forcat ruse e rrëmbyen atë pasi e akuzuan për terrorizëm.
Pamjet e shpërndara nga autoritetet ukrainase treguan një burrë që thuhet se ishte Fedorov duke u shoqëruar nga një grup burrash me uniformë nga Pallati i Kulturës Taras Shevchenko në Sheshin e Fitores së Melitopolit.
Pas kësaj qindra njerëz protestuan jashtë bashkisë në Melitopol, pas arrestimit të kryebashkiakut Ivan Fedorov nga forcat ruse të premten.
“Liri për kryetarin e bashkisë Fedorov”, brohoriti turma, sipas një videoje të shkurtër nga TV shtetëror ukrainas në faqen e Facebook. Më shumë se 2,000 njerëz u dyndën në ndërtesën e pushtuar duke kërkuar lirimin e zyrtarit.
Presidenti i Ukrainës, Volodymyr Zelensky, e quajti arrestimin e Fedorov një “krim kundër demokracisë” në një video në Facebook të premten.
“Sot në Melitopol pushtuesit kapën kryebashkiakun e qytetit, Iv