Mësim në shkolla pritëse; rreth 4700 nxënës në Durrës vuajnë ende pasojat e tërmetit

Rreth 4700 nxënës në Durrës do ta zhvillojnë mësimin këtë vit në shkolla pritëse, për shkak të dëmeve që institucionet e tyre arsimore kanë pësuar nga tërmeti i 26 nëntorit të vitit 2019.

Ndonëse kanë kaluar vite, godinat janë ende në proces rindërtimi.

Nxënësit e shkollës “14 Nëntori” e zhvillojnë mësimin pasdite në mjediset e “Qemal Micit”, edhe pse ndërtesa ishte rikonstruktuar pak para lëkundjeve sizmike.

NXENES

 

Advertisement

1-Shkolla është prishur nga tërmeti.

GAZETAR: Kur ju kanë thënë se do shkoni përsëri?

Nuk na kanë thënë. Po, po e riparojnë.

 

Advertisement

GAZETAR: Është prishur nga tërmeti?

Po.

 

GAZETAR: Çfarë ju ka thënë mësuesja, kur do shkoni në shkollën tuaj?

Advertisement

Në shtator na kanë thënë, kur të nisë shkolla.

 

GAZETAR: Kur do riktheheni?

Se di.

Advertisement

 

 GAZETAR: Ju bezdis që e zhvilloni mësimin pasdite?

Po.

 

Advertisement

GAZETAR- Ishit më mirë te shkolla juaj?

Po.

Edhe për prindërit kjo situatë paraqitet tejet shqetësuese.

PRINDER

1-Lëmë punën, vijmë sjellim gocën kurse atje e kishe paradite dhe ishte më ndryshe. Për fëmijët është më lehtë paradite, normale, për një muaj, dy do fillojë të errësohet. Na kanë thënë se do kthehen në janar, por e thëna me të bërën është ndryshe.

2-Më afër e kanë pasur te “14 Nëntori”, nuk e di kur do shkojnë atje, nuk na kanë dhënë përgjigje akoma.

Advertisement

Burime nga zyra vendore e arsimit në Durrës bëjnë të ditur se në total janë 12 shkolla në proces rindërtimi, ndërkohë që disa të tjera janë akoma në fazën e projektimit.

MESIM NE SHKOLLA PRITESE

DURRES, RRETH 4700 NXENES VUAJNE ENDE PASOJAT E TERMETIT