Presidenti rus Vladimir Putin ka ndërmarrë një plan që parashikon hakmarrje ndaj sanksioneve. Media shtetërore TASS, raporton se Putin nënshkroi të martën një dekret për futjen e masave të mundshme hakmarrëse nëse konfiskohen asetet ruse jashtë vendit.
Dekreti, i cili u publikua gjithashtu në faqen e internetit të Kremlinit, përshkruan se nëse asetet ruse sekuestrohen nga “vendet armiqësore”, Moska do t’i vendosë asetet e huaja në Rusi nën kontrollin e saj të përkohshëm, sipas TASS.
Dekreti gjithashtu deklaron se menaxhimi i përkohshëm i aseteve mund të anulohet dhe zhbëhet vetëm nëse presidenti rus vendos kështu. TASS raportoi se Moska ka marrë një menaxhim të përkohshëm për asetet e distributorit të gazit, divizioni rus i Uniper SE.
Vendet e Perëndimit kanë sanksionuar vazhdimisht Rusinë që nga nisja e agresionit të saj ndaj Ukrainës. Një pjesë e mirë e sanksioneve kanë përfshirë dhe konfiskimin e asete ruse jashtë vendit. Sanksionet kanë për qëllim dobësimin e ekonomisë së Rusisë dhe duket se kanë dhënë dhe efektin e tyre në këtë aspekt.
