Gjykata ka caktuar masën e sigurisë “arrest në shtëpi” për Vladimir Topin, biznesmenin që korruptoi zyrtaren e lartë në Ministrinë e Shëndetësisë me qëllim marrjen e tenderit.
Ndërkohë Silvi Shehu është lënë në burg.
Ata akuzohen për “korrupsion aktiv ndaj zyrtarëve publikë”.
Sekretarja e Përgjithshme e ministrisë së Shëndetësisë, Joana Duro dhe Specialistja e Nivelit të Lartë në Agjencinë e Ofrimit të Shërbimeve Publike të Integruara, Laura Shteto, u arrestuan më 2 qershor, për llogari të SPAK.
SPAK njoftoi se Joana Duro mori 330 mijë lekë për të favorizuar një operator ekonomik në një tender për rikonstruksionin e Qendrave Shëndetësore në Tiranë dhe Durrës.
Shuma e parave u gjet në zyrën Sekretares së Përgjithshme, ndërsa paratë ishin dhënë nga Laura Shteto.
