Nesër 25 mijë demokratë janë thirrur të zgjedhin kryetarin e ri të PD.
Ish-kryetari Lulzim Basha garon përballë një figure relativisht të panjohur si Gjergji Hani, dhe pritet që të rikonfirmohet si kryetar i Partisë Demokratike.
Gazment Koduzi
Komisioni Zgjedhor i PD
Advertisement“Është i ftuar të shprehë vullnetin e tij për kryetarin e Partisë, çdo anëtar i Partisë Demokratike. Nuk lejohet fotografimi apo çdo formë tjetër e dokumentimit të mënyrës së votimit.”
Votimi do të hapet në orën 8 dhe do të mbyllet në orën 19.00. Qendrat e votimit janë vendosur në selitë e PD në rrethe ose në ambjente private aty ku selitë i kanë marrë demokratët që mbështesin Sali Berishën.
Grupi i demokratëve që mban vuleën e Partisë Demokratike ka hartuar një listë të re të anëtarëve të partisë ku janë peëfshirë 25 mijë demokratë, krahasuar me 75 mijë anëtarë që ka pasur kjo parti në qershorin e vitit 2021 kur Lulzim Basha mori mandatin e tretë në krye të partisë.
Këtë herë kundër Lulzim Bashës janë rreshtuar përveç Sali Berishës dhe demokratëve që e mbështesin edhe sekretari i përgjithshëm Gazment Bardhi dhe 15 deputetë.
Për të penguar rizgjedhjen e Bashës, Gazment Bardhi një ditë më parë mblodhi Këshillin Kombëtar dhe vendosi anulimin e zgjedhjeve të së shtunës.
