Florida ka një problem me pitonët. Mijëra pitonë pushtues burmezë kanë shkatërruar jetën e egër vendase. Këto gjarpërinj filluan të vrisnin kafshët e egra amtare të Everglades, kështuqë Florida u detyrua të dilte me një plan.
Gjuetarët profesionist të zvarranikëve ishin zgjidhja për t’i zhdukur këto pitonë.
Në rreth nëntë orë gjatë dy netëve, Amy Siewe, gjuetarja e pitonëve kap dhe vret katër piton burmezë. Ajo i dallon nga maja e një të ashtuquajturi kuvertë gjarpërinjsh. Ajo paguhet 18 dollarë në orë për të gjuajtur kafshët.
Pavarësisht rrezikut, Amy është e pasionuar për punën e saj: E di që çdo gjarpër që kap po bën ndryshimin.
Pitonët burmezë mendohet se kanë ardhur në Florida si kafshë shtëpiake në mesin e viteve 1990. Nga viti 1996 deri në vitin 2006, rreth 99,000 pitonë u sollën në SHBA për t’u shitur si kafshë shtëpiake . Kur disa u arratisën në natyrë, ata gjetën një parajsë pitonësh të pasur me pre si minj, ketra dhe zogj – por gjithashtu, kafshë të mëdha duke përfshirë drerët dhe madje edhe aligatorë. Pitonët mendohet se gjuajnë duke përdorur shqisën e tyre të nuhatjes për të identifikuar gjurmët e lëna nga gjahu i tyre, më pas duke u fshehur aty pranë për t’u bërë pritë, për t’i shtrydhur deri në vdekje dhe për t’i gëlltitur plotësisht./vizionplus.tv
