Radhë të gjata në pikën e kalimit kufitar të Qafë Thanës, të cilat kanë ardhur për shkak të lëvizjeve të shumta në hyrje nga Maqedonia e Veriut në drejtim të vendit tonë
Në kushte të tilla po punohet me 5 sportele në hyrje, një prej të cilave është për mjetet e tonazheve të rëndë ndërsa 4 për autovetura.
Fluksi ka sjellë pritje të drejtuesve të mjeteve për të hyrë nga vendi fqinj drejt vendit tonë.
Vetëm në tre ditët e fundit nëpërmjet kësaj pike kufitare kanë hyrë më shumë se 20 mijë shtetas, pjesa më e madhe shqiptare të Maqedonisë së Veriut, ashtu siç ka patur shtetas që përdorin Shqipërinë për të kaluar drejt vendeve të BE.
Burime pranë pikës së kalimit kufitar të Qafë Thanës i thanë gazetarit të Vizion Plus Tonin Frroku se kur fluksi është i madh të dy policitë ajo shqiptare e maqedonase, në kontrollet e përbashkëta punojnë me procedurë të përshpejtuar./vizionplus.tv
