Një autobot ka marrë flakë papritur në një pikë karburanti në autostradën Durrës-Tiranë. Ngjarja ka ndodhur teksa autoboti furnizonte me karburant dhe flakët nuk kanë përfshirë depozitën e karburantit, pasi janë vënë shpejt nën kontroll pas ndëhyrjes së policisë dhe zjarrfikësve.
Si pasojë e zjarrit janë lënduar lehtë dy persona.
Durrës/Informacion paraprak
Rreth orës 14:00, në autostradën Durrës-Tiranë, në një pikë karburanti, është përfshirë nga flakët një automjet që transporton karburant.
Për pasojë janë lënduar shtetasit Xh.K., 20 vjeç, banues në Kamëz dhe shtetasi E.P., rreth 35-vjeç, (të dy punonjës të karburantit), të cilët janë trasportuar në spital për ndihmë mjekësore.
Ndërhyrja në kohë e shërbimeve zjarrfikëse dhe Policisë ka izoluar flakët duke shmangur përfshirjen nga zjarri të çisternave me karburant.
Shërbimet e Policisë evakuan në kohë, personat e tjerë që ndodheshin rreth zonës në rrezik.
Zjarri është shuar tërësisht dhe lëvizja e mjeteve në të dy krahët e autostradës po vijon normalisht.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
/vizionplus.tv
