Zëvendësministri në ministrinë e Energjisë në Ukrainë është arrestuar pas akuzave për korrupsion pasiv, njoftuan autoritetet.
Arrestimi vjen pas një sërë skandalesh që janë zbuluar në nivelet drejtuese në Ukrainë, e cila ka shtuar përpjekjet për të luftuar korrupsionin, me qëllimin për t’u bashkuar me BE-së.
The deputy energy minister of Ukraine has been detained for a $500,000 bribe
According to the Ukrainian security services, the official promised the heads of state-owned enterprises of the Lviv-Volynskyy coal basin to hand over mining equipment from mines in the frontline… pic.twitter.com/hvpsla63jY
Advertisement— NEXTA (@nexta_tv) August 12, 2024
Sipas autoriteteve hetimore, personi i arrestuar, Oleksandr Hailo, kërkonte ryshfet nga kompanitë minerare të Ukrainës perëndimore, të cilat kërkonin të siguronin transportin e materialeve në minierat e Ukrainës lindore pranë vijës së frontit.
I dyshuari dhe tre bashkëpunëtorët e tij janë arrestuar menjëherë. Ata përballen me deri në 12 vjet burg dhe konfiskim të pasurive të tyre, sipas shërbimeve të sigurisë ukrainase.
Që nga fillimi i pushtimit rus të Ukrainës në shkurt 2022, janë zbuluar disa skandale korrupsioni, kryesisht në radhët e Ministrisë së Mbrojtjes dhe ushtrisë ukrainase, duke çuar në shkarkimin dhe arrestimin e zyrtarëve të lartë.
Presidenti Volodymyr Zelensky e ka bërë prioritet luftën kundër korrupsionit, i cili ka qenë endemik në Ukrainë që nga ditët e Bashkimit Sovjetik dhe ka vazhduar që nga shpërbërja e tij.
Trajtimi i korrupsionit është një prioritet pasi është një kusht që Brukseli ka vendosur në Kiev si pjesë e procesit të anëtarësimit të Ukrainës në Bashkimin Evropian./vizionplus.tv
