Mbyllet një kapitull për të nisur një tjetër fazë edhe më emocionuese e Albania’S Got Talent. Edhe këtë të hënë në ekranin e Vizion Plus, nuk munguan lotët, emocionet por edhe zhgënjimi.
Një juri me “5 Yje” mund të konsiderohet kjo e Albania’s Got Talent me Agron Llakajn, Ledina Çelon, Adelina Ismajlin dhe Kastro Zison si dhe me moderatorin Isli Islami.
Gojë ëmbël edhe kur thonë “JO”. Por kjo e hënë solli atë që Ledina e priste prej javësh, talentin e “saj”, por në rastin konkret ato janë shumë dhe bëhet fjalë për vajzat e “The Beat Killers”.
Një performacë unike, e jashtëzakonshme dhe drithëruese. Por nuk ishin vetëm “The Beat Killers”, pasi reana e vogël vetem 8-vjeçar bëri jurinë të “dashurohej” me të, dhe publikun të magjepsej.
E po ashtu Brigel, Esteban dhe vajzat e “Syzyu Folk”. Por një tjetër magjik ishte Ermisi, djali gjeni që mund të shumëzojë çdo numër.
Pas kësaj të hënë shtohen emocionet dhe lotët, pasi hyjmë në fazën e më të “fortëve” atë të gjysmëfinaleve ku gara do të bëhet edhe më e ethshme.
Për të gjithë ata që nuk patën mundësi ta ndjekin LIVE këtë spektakël mund ta gjeni në të gjitha rrjetet sociale të Vizion Plus.
