Sindikata e Pavarur e Gazetarëve dhe Punonjësve të Medias shënon Ditën e Punës, 1 Majin, duke paralajmëruar/theksuar se gazetarët dhe punonjësit e medias në Maqedoni punojnë në kushte të pasigurta ku vetëm një e treta e punonjësve të medias (rreth 700 nga 2,100) mbulohen nga një marrëveshje kolektive.
“Të drejtat pozitive dhe të përmirësuara sipas Marrëveshjeve Kolektive i gëzojnë vetëm punonjësit në sektorin publik, pra të ashtuquajturat media “shtetërore”, ndërsa gazetarët dhe punonjësit e medias në sektorin privat ende përballen me një sërë shkeljesh të të drejtave të punës dhe mbrojtje më të vogël të tyre.
Theksojmë se në kushtet e pagave të ulëta, ku pothuajse 70 përqind e punonjësve të medias dhe 50 përqind e gazetarëve marrin paga nën mesataren, parimi i raportimit profesional dhe objektiv është i vështirë për t’u arritur, pasi vetëm gazetarët e sigurt socio-ekonomikisht mund të jenë roje të interesit publik.
Puna në kushte të pasigurta, vendet e punës të pasigurta, kontratat afatshkurtra ose vetëm kontratat me kohë të pjesshme, mosrespektimi i dispozitave për lejen vjetore, orarin e punës, mospagesa e orëve shtesë ose e pagës së pushimeve janë ende pika të dhimbshme për gazetarët dhe mediat të cilët, sipas përkufizimit, kryejnë punë me interes publik, e cila është një nga shtyllat për zhvillimin e një shoqërie demokratike”, thonë nga Sindikata./Telegrafi/
The post SPGM: Marrëveshjet kolektive janë baza për përmirësimin e të drejtave të punëtorëve në media appeared first on Telegrafi.
