LSDM opozitare ka reaguar për siç thonë ata, një tender të dyshimtë dhe korruptiv për testin për patentë shoferi që përfundoi tek këshilltari i OBRM-PDUKM-së.
Nënkryetarja e LSDM-së Kaja Shukova thotë se ky skandal ngre pyetje serioze në lidhje me abuzimin e institucioneve për interesa biznesi dhe përvetësimin e parave të qytetarëve.
“MPB, nën udhëheqjen e ministrit Pançe Toshkovskit, i dha një tender prej një milion denarësh për licencë për organizimin e testit për vozitje në rajonin e Pellagonisë kompanisë së sapoformuar ‘Super Driver’. Pas kësaj kompanie qëndron një funksionar i OBRM-PDUKM-së dhe këshilltar në Këshillin e Komunës së Kërçovës, Filip Mitreski. Përmes kompanisë ‘Street Ride’, e cila zotëron ‘Super Driver’.
Si e ka ditur se për disa muaj do të nënshkruhet tender që funksionari i OBRM-PDUKM-së e ka hapur kompaninë pikërisht për këtë qëllim? Ky është shembull i korrupsionit dhe skemave të tenderëve të OBRM-PDUKM-së. Ky nuk është rasti i parë. Përkundrazi”, tha Shukova.
LSDM kërkon nga Komisioni Shtetëror për Antikorrupsion që të hapë lëndë dhe të veproj. Ndërsa të njejtën gjë e kërkon edhe nga Prokuroria Themelore Publike.
The post LSDM: Tender i dyshimtë, testi për patentë shofer përfundoi tek këshilltari i OBRM-PDUKM-së appeared first on Telegrafi.