Kryetari i Kuvendit të Maqedonisë së Veriut, Afrim Gashi, zhvilloi sot takim falënderues me ambasadoren e Zvicrës, Veronik Ulman.
Siç njoftojnë nga Kuvendi, Gashi ka shprehur mirënjohje për angazhimin e saj në forcimin e marrëdhënieve miqësore dhe bashkëpunimit parlamentar ndërmjet dy vendeve, si dhe për mbështetjen e vazhdueshme që Zvicra i jep integrimit evropian të vendit tonë. Në veçanti, u theksua kontributi në themelimin dhe zhvillimin e Institutit Parlamentar, i cili përfaqëson trashëgimi të qëndrueshme të mandatit të saj.
“Ambasadorja Ullmann e vlerësoi misionin e saj në Maqedoninë e Veriut si jashtëzakonisht të frytshëm dhe të suksesshëm, me angazhime të shumta që rezultuan në ndryshime pozitive, veçanërisht në punën e Parlamentit dhe në forcimin e kapaciteteve të tij institucionale. Ajo shprehu shpresë dhe besim se Parlamenti do të vazhdojë të punojë me të njëjtin përkushtim, kapacitet dhe konsensus edhe në të ardhmen. Në fund, Kryetari Gashi i uroi asaj suksese të vazhdueshme në karrierën e saj, duke theksuar se angazhimi dhe përkushtimi i saj personal kanë lënë përshtypje pozitive dhe të qëndrueshme në marrëdhëniet ndërmjet dy vendeve”, theksohet në komunikatë.
The post Gashi në takim me Ulman: Zvicra vazhdimisht mbështet integrimin europian të RMV-së appeared first on Telegrafi.
