Njoftim për përcaktimin e kryesisë së shtabit zgjedhor
Kandidati i pavarur për Komunën e Strugës, Mendi Qyra, shpall zyrtarisht përbërjen e kryesisë së shtabit zgjedhor.
Me vendim të marrë, përbërja është si vijon:
Kryetar i Shtabit: Jetmir Ziba
Nënkryetarë të Shtabit: Resul Çollaku, Adem Nuroski
“Dr. Ziba, bashkë me dy nënkryetarët do t’i prijë ekipit tim drejt fitores më 19 tetor, me një vizion të qartë menaxherial për katër vitet e ardhshme”, u shpreh Mendi Qyra.
Kryesia e shtabit do të ketë përgjegjësinë e organizimit dhe koordinimit të të gjitha aktiviteteve zgjedhore, duke siguruar një fushatë transparente, të ndershme dhe gjithëpërfshirëse.
Mendi Qyra thekson se ky ekip përfaqëson përkushtimin dhe seriozitetin me të cilin ai hyn në garën për të sjellë ndryshimin e domosdoshëm për qytetin e Strugës.
