Mendi Qyra nga Austria: Mërgata është forcë e gjallë për ndryshimin e Strugës
Kandidati i pavarur për kryetar të Komunës së Strugës, Mendi Qyra, gjatë vizitës së tij në Austri është pritur nga bashkatdhetarët struganë, të cilët shprehën mbështetje për vizionin e tij.
“Me përulësi të madhe falënderoj bashkatdhetarët tanë në Austri për pritjen dhe mbështetjen. Emocioni ishte i jashtëzakonshëm, dashuria për Strugën na bashkon të gjithëve kudo që jemi”, tha Qyra pas takimit.
Ai shtoi se ajo që e la më së shumti me mbresa ishte interesimi i madh i mërgatës për zhvillimet në Strugë, si dhe njohja në detaje e çdo problematike. “Përveç kësaj, u pa edhe gatishmëria e tyre për të dhënë zgjidhje konkrete”, nënvizoi kandidati i pavarur.
Sipas tij, ky takim ishte dëshmi e qartë se mërgata strugane mbetet një forcë e gjallë për ndryshimin dhe zhvillimin e qytetit.
