Kandidati i pavarur për Komunën e Strugës, Mendi Qyra, ka ndarë një reagim pas takimit me bashkatdhetarët struganë në Austri. Ai shprehu mirënjohje për pritjen dhe mbështetjen që mori, duke e cilësuar emocionin si “të jashtëzakonshëm”.
Në postimin e tij, Qyra theksoi se dashuria për Strugën i bashkon qytetarët kudo që ndodhen, ndërsa vlerësoi interesimin dhe njohjen e detajuar të problematikave lokale nga diaspora.
“Ky takim ishte dëshmi se mërgata jonë është forcë e gjallë për ndryshimin dhe zhvillimin e Strugës,” u shpreh Qyra.
Takimi me diasporën, sipas kandidatit të pavarur, tregoi gjithashtu gatishmërinë e bashkatdhetarëve për të kontribuar me ide dhe zgjidhje konkrete në proceset zhvillimore të komunës.
Advertisement
