Kreu i Partisë Demokratike Sali Berisha ka reaguar për ndarjen nga jeta të ish kryeministrit Fatos Nano.
Në një postim në rrjetet sociale, Berisha teksa ka vlerësuar figurën e Nanos për reformimin e PS dhe anëtarësimin e saj në forumet e majta ndërkombëtare, u ka shprehur ngushëllime të sinqerta familjarëve dhe miqëve të ish kryeministrit.
“Të dashur miq, Fatos Nano, ish-kryeministër i vendit dhe ish-kryetar i Partisë Socialiste, personalitet kryesor i të majtës shqiptare gjatë tranzicionit, mbylli sytë përgjithmonë.
Fatos Nano ka meritën e reformimit të Partisë Socialste, anëtarësimin e saj në forume të majta ndërkombëtare si dhe pranimin nga ai vetë të rotacionit të pushtetit.
Me këtë rast shpreh ngushëllime familjes, miqve, të afërmëve të tij dhe socialistëve. Amen!“, shkruan Berisha./vizionplus.tv
