Lara Colturi arriti një rezultat fantastik në garën e dytë të Kupës së Botës për ski.
Në Levi të Finlandës, në disiplinën slallom, që nuk është e preferuara e saj, skiatorja që garon për Shqipërinë u rendit në vendin e dytë, duke u kaluar vetëm nga një legjendë si amerikania Mikaela Shifrin.
Lara ishte thjesht e mrekullueshme në dy zbritjet e saj, duke i mbyllur të dyja provat në vendin e dytë, me diçka me pak sesa 1 sekondë diferencë në raport me shifrin.
Ajo la pas në vendin e tretë dhe të fundit të podiumit gjermanen Ema Aihen.
Për Lara Colturin ky rezultat bëhet edhe më domethënës pasi u arrit në ditën kur feston datëlindjen e saj të 19-të.
Në garen e parë të kampionatit skiatorja e talentuar italiane që garon për ngjyrat kuqezi ishte renditur e shtata.
