Kryeministri i vendit Edi Rama ditën e sotme ishte i pranishëm në Kuvend ku për dy ditë do të diskutohet paketa fiskale dhe projektbuxheti i vitit 2026, dokumentet më të rëndësishme financiare të vitit.
Teksa shefi i qeverisë po shkonte drejt foltores për të nisur me prezantimin e projektbuxhetit, opozita i ktheu kurrizin.
Rama: Dhe të ankoheni për ligjin dhe të më ktheni kurrizin sikur nuk shkon. Por më mirë shpina se fytyra juaj. Jam i prekur ng konstatimi i zotit Noka i cili akuzoi Peleshin për besnikëri të tepruar ndaj kryetarit të partisë, ndërkohë që Noka e ka besnikërinë ndaj kryetarit të partisë monopol. Unë do ta quaja Besnik Flamur Noka. Niko është larg teje. U ngacmova edhe nga një deputet tjetër. Isha në Bruksel. Më pyetet se çfarë mendojnë ata për korrupsionin. Ata mendojnë se si sot korrupsioni nuk është luftuar ndonjëherë në historinë e këtij vendi sepse po të mos e mendonin këtë nuk do t’i hapnin kapitujt e negociatave dhe ju nuk e keni kuptuar akoma që në këtë vend punët janë ndarë.
