Një shqiptar është ekzekutuar me armë mbrëmjen e kësaj të enjteje në Greqi. Konkretisht ngjarja ka ndodhur në Paleo Faliro, jashtë shtëpisë së tij.
Viktima është identifikuar si 60-vjeçari Thimo Roland Droboniku alias Thimi Roland Prifti.
Ai u qëllua me armë zjarri dhe u dërgua me urgjencë në spital, ku ka humbur edhe jetën për shkak të plagëve të marra. Shqiptari ka marrë një plumb në gjoks, ndërsa në vendin ku u krye vrasja janë gjetur të paktën dy gëzhoja të kalibrit 9 mm.
Advertisement
Autorët janë larguar nga vendngjarja, ndërsa policia ka nisur hetimet për identifikimin e tyre, si dhe ka rrethuar zonën. Nga informacionet paraprake, dyshohet se ngjarja ka ndodhur për larje hesapesh, megjithatë pritet të zbardhen më shumë detaje në vijim.
