Francezet i janë drejtuar sot për herë të dytë kutive të votimit për të zgjedhur presidentin e ri që do të udhëheqë ekonominë e dytë më të madhe të Evropës për pesë vitet e ardhshme.
Në këtë raund të dytë, kandidatët për postin e Kreut të Shtetit janë Emmanuel Macron dhe Marine Le Pen. Referuar sondazhëve të fundit, Macron rezulton të jetë favorit si fitues i mundshëm i zgjedhjeve, por me një diferencë shumë më të vogël se në 2017, kur ai kryesoi me 66 % të votave.
Por, sipas analistëve, duke marrë parasysh numrin e madh të qytetarëve të pavendosur, një fitore e Le Pen nuk mund të përjashtohet. Nëse ajo kryeson në zgjedhje, do të krijojë një tronditje të mëdha për NATO-n dhe Bashkimin Evropian.
Në politikat e Marin Le Pen përfshihet ndalesa e vendosjes së mbulesës për gratë myslimane në publik. Ajo e ka fokusuar fushatën e saj në mbështetjen me fonde për përballimin e kostove të jetesës në Francë, që sipas francezëve është përkeqësuar me rritjen e çmimit të energjisë dhe gazit.
Ndërkohë Macron , fitues i gares me rivalen e ekstremit të djathtë, pesë vjet më parë, ka paralajmëruar për “luftë civile” nëse fiton Le Pen.