Administrata doganore e Kinës, në një deklaratë tha se Kina do të fillojë të kontrollojë njerëzit që hyjnë në vend për linë e majmunit për gjashtë muajt e ardhshëm.
“Kushdo që hyn në Kinë nga vendet me raste të virusit, ata që kanë rënë në kontakt me rastet e lisë së majmunit ose ata me simptoma të virusit do të testohen. Automjetet, mallrat dhe importet e tjera nga zonat me virusin duhet të dezinfektohen”, tha dogana.
Bëjmë me dije se Organizata Botërore e Shëndetësisë shpalli një Emergjencë të Shëndetit Publik të Shqetësimit Ndërkombëtar, nivelin më të lartë të alarmit, për shkak të një varianti të ri të sëmundjes virale të lisë së majmunit në Afrikë.
OBSH tha se ekzistonte rreziku që virusi mund të përhapej sërish ndërkombëtarisht pas një shpërthimi në 2022 dhe të bëhet një rrezik i përhapur për shëndetin.
Suedia regjistroi dje rastin e parë të konfirmuar jashtë Afrikës të variantit më të ri të lisë së majmunit. /vizionplus.tv
