Britania e Madhe ka një mbret të ri.
Charlsi i III u shpall zyrtarisht mbret dhe u zotua t’i kushtonte jetën e tij kryerjes së detyrave mbretërore.
Nëna ime la një shembull të përjetshëm dashurie dhe shërbimi vetëmohues. Mbretërimi i nënës sime ishte i pashembullt në kohëzgjatjen dhe përkushtimin e tij. Jam thellësisht i vetëdijshëm për këtë trashëgimi të thellë, për detyrat dhe përgjegjësitë që më janë caktuar tani. Lutem për udhëzimin dhe ndihmën e Zotit të Plotfuqishëm në kryerjen e kësaj detyre që më është caktuar dhe për të cilën tani do t’i kushtoj pjesën tjetër të jetës sime.
Në ceremoninë e kurorëzimit të tij morëm pjesë mbi 200 personalitete nga Britania dhe bota, të cilët sipas zakonit brohoritën “Zot ruaj mbretin” përpara se të fillonte nënshkrimi i dokumenteve. Më pas mbreti i ri Charles bëri betimin dhe të pranishmit nënshkruan si dëshmitarë. Lajmi u bë i ditur edhe për publikun nga ballkoni i pallatit mbretëror.
Proklamata e shpalljes së Charles do të lexohet publikisht në Edinburg, Skoci, Belfast, Irlanda e Veriut dhe Cardiff, Uells.
Zgjedhja e mbretit të ri u pasua nga 41 të shtëna me top në Hyde Park dhe 62 në Kullën e Londrës. Tashmë është parlamenti ai që do t’i shprehë besnikërinë mbretit Charles i tretë.
