Një i ri shqiptar u gjet i vrarë me plumb në kokë, tre ditë më parë në Gjermani. Ai u gjet i pajetë në afërsi të banjave termale Holstentherme në Kaltenkirchen, një zonë rreth 40 km larg Hamburgut, më 25 nëntor.
Mediet gjermane kanë bërë me dije se trupi i përket 27-vjeçarit shqiptar Reols Hysneli, me origjinë nga Burreli. Ai njihej edhe me emrin Alonso.
I riu nuk kishte dokumente identifkimi në momentin kur u gjet trupi dhe identifikimi i tij u bë permes gjurmëve të gishtave.
Gjurmët e 27-vjeçarit rezultonin në databazën e policisë pasi ai ishte me precedent të mëparshëm penalë.
Lidhur me ngjarjen është arrestuar një i mitur, me origjinë shqiptare. 17-vjeçari nga Kukësi ka pranuar krimin para hetuesve.
Dyshohet se shkak i ngjarjes është bërë prishja e pazareve të drogës.
