13 oficerë dhe hetues policie meksikanë janë vrarë në një pritë ndërsa udhëtonin nëpër një rajon rural, në komunën e Coatepec Harinas.
Kjo ngjarje shënon edhe krimin më të rëndë në vend ndaj uniformave blu në vitet e fundit.
Deri në këto moment, asnjë kartel mafioz nuk e ka marrë përsipër sulmin.
“Kjo është një fyerje ndaj shtetit meksikan dhe ne do të përgjigjemi me forcë të plotë dhe me mbështetjen e ligjit,” u tha gazetarëve sekretari i sigurisë i shtetit të Meksikës, Rodrigo Martínez-Celis .
Zyra e Prokurorit të Përgjithshëm të Shtetit tha se oficerët po udhëtonin nëpër rajon “për të luftuar grupe kriminale”.
Në fotografitë e postuara në rrjetet sociale shiheshin trupa të përgjakur të oficerëve me uniforma, së bashku me një kamionçinë të bardhë me vrima plumbash.
