Agjencia e Aviacionit Civil në RMV po monitoron situatën dhe është në koordinim të vazhdueshëm me M-NAV dhe deri më tani nuk ka gjetur asnjë kërcënim për sigurinë e fluturimit të shkaktuar nga defekti i radarit, thonë nga Agjencia për “Sloboden Peçat”.
Kontrollorët e fluturimit tani nuk kanë asnjë ekran dhe aeroplanët po ulen “manualisht” në aeroportin e Shkupit. Sipas deklaratës së fundit nga Navigacioni i RMV-së, të dhënë të hënën, “është bërë kontakt me prodhuesin dhe është lejuar qasja online në pajisje në mënyrë që prodhuesi të bëjë diagnostikim dhe të ofrojë sugjerime dhe mbështetje për zgjidhjen e problemit”.
“Agjencia e Aviacionit Civil dhe M-NAV, në përputhje me kompetencat e tyre, përmes analizave të rrezikut dhe vlerësimeve të sigurisë të kryera më parë, zhvillojnë menjëherë procedura dhe protokolle që specifikojnë qartë veprimet e të gjithë pjesëmarrësve në trafikun ajror kur ndodh një rast i tillë. Në këtë rast, M-NAV po vepron sipas procedurave që janë zhvilluar dhe vendosur më parë dhe qëllimi i vetëm i të cilave janë pikërisht situata të tilla. Agjencia e Aviacionit Civil po monitoron situatën dhe është në koordinim të vazhdueshëm me M-NAV dhe deri më tani nuk ka gjetur ndonjë kërcënim për sigurinë e fluturimit të shkaktuar nga ky defekt”, theksuan nga Agjencia./Telegrafi/