MPB njofton se ka ndodhur një aksident në rrugën Vallandovë – Dojran, në të cilën ka humbur jetën një grua nga Kina.
“Më 19 nëntor 2025, rreth orës 04:20, Departamenti i Policisë së Gevgelisë (OVR Gevgelija) mori një njoftim se në rrugën rajonale Vallandovë – Dojran, një kamion “Mercedes” me gjysmë rimorkio dhe targa serbe, i drejtuar nga S.M. (52) nga Serbia, doli nga rruga. Një grua migrant nga Kina vdiq në vendngjarje nga lëndimet e marra, sipas konstatimit të një mjeku të urgjencës.
Me urdhër të prokurorit publik, trupi u dërgua për autopsi. Shtatë imigrantë të tjerë nga Kina, të cilët kishin hyrë në rimorkio pa dijeninë e shoferit, u plagosën.
Shoferi S.M. u mbajt në Institucionin Shëndetësor Publik Gevgelija për ndihmë mjekësore. Një ekip policor nga Gevgelija kryeu hetim në vendngjarje në prani të prokurorit publik”, thuhet në njoftimin e MPB-së./Telegrafi/