Ministria e Punëve të Brendshme (MPB) njoftoi se dje në rrugën Vasil Gjorgjov në Shkup, ka ndodhur një aksident trafiku ku është përfshirë një makinë dhe një trotinet elektrik.
Një vajzë 13-vjeçare që po drejtonte troteinetin dhe bashkëdrejtuesi i saj 12-vjeçar janë lënduar në aksident. Shoferi i makinës është larguar nga vendi i aksidentit.
“Më 21.8.2025 në orën 14:30, në SPB Shkup është raportuar se në rrugën Vasil Gjorgjov në Shkup, ka ndodhur një aksident trafiku midis një automjeti pasagjerësh Volkswagen Golf me targa të Shkupit dhe një trotineti elektrik i drejtuar nga një e mitur 13-vjeçare nga Shkupi, pas së cilës shoferi është larguar nga vendi i ngjarjes me automjetin. E mitura ka pësuar lëndime të rënda në aksident, ndërsa bashkëdrejtuesja e saj 12-vjeçare ka pësuar lëndime, të cilat janë konfirmuar në Spitalin e Përgjithshëm të Qytetit “Shën Naum i Ohrit” – Shkup”, njoftoi MPB.
Sipas policisë, një ekip inspektimi nga SPB Shkup ka kryer inspektim dhe po merren masa intensive për gjetjen e shoferit dhe automjetit.
The post Aksident trafiku në Shkup, lëndohet një e mitur appeared first on Telegrafi.
