Ministri i Shëndetësisë, Azir Aliu është tërhequr nga vendimi që automjetet e punonjësve shëndetësor të parkohen në “Limak”.
Ai sot tha se parkingu do të jetë për të gjithë, derisa theksoi se “kush ta shfrytëzon le ta shfrytëzon”.
“Ju e dini që qasja ime është të krijoj politika bazuar në të dhëna. Hapi i parë është ndërmarrë, zona përreth kampusit Nënë Tereza është përdorur. Kemi disa kapacitete të kontraktuara me kompaninë “Limak” dhe do të ofrohet sipas radhës së mbërritjes. Mjekët po na telefonojnë dhe na thonë: Na shpëtuat, kemi makina të shtrenjta të gërvishtura dhe të dëmtuara jashtë, dhe meqenëse nuk ka kamera, nuk dimë kujt t’i raportojmë”, tha Aliu.
Ndërkohë, Sindikata e Qendrës Klinike thotë se punonjësit kanë shprehur mospajtimin e tyre me memorandumin e nënshkruar, i cili do të kërkojë që 300 punonjës të Qendrës Klinike të “largohen” duke parkuar në garazhin e afërt të “Limak” dhe duke ecur 5 minuta për të shkuar në punë për të krijuar vend për pacientët.
Problemi me parkingun në Qendrën Klinike ka qenë i vazhdueshëm për të paktën 2 dekada, ndërsa ministri i ri Aliu e ka propozuar këtë model përkohësisht, derisa të gjendet një zgjidhje afatgjatë./Telegrafi/
The post Aziri tërhiqet: Parkingun në Klinikë mund ta shfrytëzojnë edhe të punësuarit appeared first on Telegrafi.