Ministri i Ekonomisë Kreshnik Bekteshi, sot ka realizuar takim me ambasadorin e Federatës Ruse në Shkup, Sergej Bazdnikin.
Siç njoftojnë nga Ministria e Ekonomisë, temë kryesore e takimit ka qenë mundësia për thellimin e bashkëpunimit në mes dy vendeve.
“Në takim është shprehur kënaqësi nga bashkëpunimi i frytshëm i vazhdueshëm dhe marrëdhëniet e forta miqësore në mes të dy vendeve. Ministri ka thënë se interesat strategjike të shtetit janë integrimi në NATO dhe BE, por edhe mbajtja e marrëdhënieve të mira me miqtë tradicional, siç është Rusia”.
“Në takim është konstatuar se RMV dhe Rusia kanë bashkëpunim intensiv ekonomik, ku dominon fusha e këmbimit tregtar. Në takim është biseduar për katër pakot e masave ekonomike që Qeveria i ka miratuar për mbështetje të qytetarëve dhe ekonomisë”, thuhet në njoftim.
Ministri Bekteshi ka thënë se masat i japin rezultatet e dëshiruara në ekonomi, duke shtuar se pako e pestë është në fazën përfundimtare./Telegrafi/
Bekteshi-Bazdnikin: RMV dhe Rusia kanë potencial të madh për bashkëpunim ekonomik shkruan Telegrafi.