Një pjesë e madhe e Shkupit është pa ujë sonte, ndërsa në pjesë të tjera presioni i ujit është ulur ndjeshëm, për shkak të shpërthimit të një tubi uji me diametër prej 600 milimetrash në rrugën 100D FrancPrešern në Vlae.
Ndërmarrja Publike “Ujësjellës dhe Kanalizim” – Shkup informon se furnizimi me ujë do të ndërpritet deri në përfundimin e aktiviteteve punuese.
Banorët e Vlaes tregojnë se ekipet e kompanisë dolën në terren sonte, rrethuan zonën dhe gjetën një defekt serioz, por riparimi do të vazhdojë nesër për shkak të mungesës së njerëzve dhe makinerive.
Aktualisht, pjesë të Hromit, Gjorce Petrovit, Vlaes dhe Karposhit janë pa ujë, ndërsa presioni i ujit është ulur në Qendër, Aerodrom, Avtokomandë dhe vendbanime të tjera.
Aktualisht nuk ka asnjë informacion zyrtar nga “Ujësjellës-Kanalizime” se sa do të zgjasë riparimi i defektit.
