Lidhja e Bankave të Maqedonisë (LBM) ka dalë me sqarim për mosfunksionimin e kartela pagesore të disa qytetarëve. Prej atje thonë se arsyeja e problemit me mosfunksionimin e kartave të caktuara të pagesës në ATM ose në tregti nuk ka të bëjë me operatorët kombëtarë të telekomit, e as me sistemet individuale të bankave.
Prej atje shpresojnë për normalizim të shpejtë të shërbimeve.
“Në emër të anëtarëve të Lidhjes së Bankave të Maqedonisë, ju njoftojmë se në kohën e përgatitjes dhe dërgimit të njoftimit, disa shërbime të anëtarëve tanë që kanë të bëjnë me markat e kartelave VISA dhe MasterCard nuk janë të disponueshme – në bankomat ose në tregti. Si më parë, fondet e klientëve të bankës janë të disponueshme në të gjitha filialat”, thuhet në njoftimin e LBM-së.
Sipas LBM, anëtarët e saj janë në komunikim intensiv me markat e kartave VISA dhe MasterCard dhe pas marrjes së informacionit më të plotë publiku do të njoftohet me kohë.
The post Disa kartela pagesore të qytetarëve në RMV jashtë përdorimit, Lidhja e Bankave tregon arsyen appeared first on Telegrafi.