Edhe egjiptianët kërkojnë përfshirjen e tyre në Kushtetutë. Nëse hyjnë bullgarët kërkojnë që edhe ata të përfshihen në Kushtetutë.
Kërkesa i është dërguar edhe kryetarit të shtetit, Kuvendit dhe Delegacionit të BE-së në Shkup.
Duke pasur parasysh realitetin multikulturor dhe multietnik të Republikës së Maqedonisë së Veriut, normat e garantuara kushtetuese me amendamentet IV, VI, VII, IX, XI dhe XVII të Kushtetutës së Republikës së Maqedonisë, egjiptianët i referohen dokumenteve ndërkombëtare, të cilat Maqedonia i ka nënshkruar, dhe disa edhe i ka ratifikuar.
“Duke rikujtuar se komuniteti i egjiptianëve në Republikën e Maqedonisë së Veriut është autokton i Gadishullit Ballkanik, me identitetin dhe vetëdijen e tij të artikuluar, me gjurmë të theksuara në trashëgiminë kulturore materiale dhe shpirtërore, si dhe faktin se anëtarët e ky komunitet, duke filluar nga kryengritja e Ilindenit (egjiptiani, Kovaçi Mustafa nga fshati Laktinje i bënte rrathët për topat), deri në Ilindenin e dytë (në NOB morën pjesë një numër i madh egjiptianësh, e disa dhanë jetën), më pas përmes Ilindenit të tretë (të gjithë egjiptianët morën pjesë masivisht në referendumin e pavarësisë dhe mëvetësimit në 1991), dhanë kontributin e tyre konstruktiv në zhvillimin e vendit tonë. Gjithashtu, deputeti i atëhershëm Rubin Zemon, pjesëtar i komunitetit egjiptian, votoi për ndryshimet kushtetuese në vitin 2019, si dhe në vitin 2020 për anëtarësimin e Republikës së Maqedonisë së Veriut në aleancën e NATO-s”, thuhet në kërkesë.
Egjiptianët kërkojnë përfshirjen e tyre në Kushtetutën e RMV-së shkruan Telegrafi.