Deri më 31 gusht 2023, EMV furnizimi me ngrohje ofron mundësinë e lidhjes falas për konsumatorët e shkëputur.
Për të mundësuar sa më shumë konsumatorë të shfrytëzojnë përfitimet e sistemit të ngrohjes qendrore, është duke u zhvilluar një fushatë “LIDHJE FALAS” për konsumatorët e shkëputur që vendosin të kyçen në sistemin e ngrohjes qendrore, njofton kompania.
Veprimi i lidhjes zbatohet sipas parimit “i pari i regjistruar, i pari shërbehet”, dhe vlen për të gjithë përdoruesit e interesuar që kanë aftësi teknike, por nuk janë të lidhur me sistemin e energjisë termike.
Përfitimet e aksionit të lidhjes falas vlejnë vetëm në ndërtesat që janë të lidhura me sistemin e ngrohjes qendrore dhe ku ka mundësi teknike për lidhjen e banesës apo hapësirës së biznesit.
Për të përfituar nga mundësia për lidhje falas, konsumatorët e interesuar duhet të paraqesin kërkesë me shkrim për kyçje sa më shpejt të jetë e mundur dhe jo më vonë se data 31 gusht, në një nga pikat e konsumit të Furnizimit me Ngrohje EMV. Pas përfundimit të aksionit, pra nga data 1 shtator 2023, lidhja do të tarifohet plotësisht sipas çmimores së vlefshme.
The post EMV: Të shkëputurit nga furnizimi me ngrohje mund të bashkohen falas deri më 31 gusht appeared first on Telegrafi.