Ministria e Brendshme dje (24 janar) vazhdoi me kontrollet e intensifikuara të veprimit në fushën e trafikut, njoftojnë nga MPB.
“Vetëm në territorin e qytetit të Shkupit janë shqiptuar gjithsej 137 masa, përfshirë 17 gjoba për vozitje pa patentë shofer, 18 masa për përdorimin e telefonit celular, katër për automjete teknikisht të parregullta dhe të paregjistruara.
Janë shqiptuar pesë masa për vozitje nën ndikimin e alkoolit, 16 gjoba për mosrespektim të kufirit të shpejtësisë dhe 15 masa për automjete të parkuara në mënyrë të paligjshme”, thonë nga MPB.
Kontrollet e intensifikuara të trafikut do të vazhdojnë në ditët në vijim. Nga atje u bëjnë thirrje qytetarëve që të respektojnë rregullat dhe rregulloret e trafikut në mënyrë që të rrisin sigurinë në komunikacion./Telegrafi/
Gjobiten 137 shoferë në Shkup shkruan Telegrafi.