Ministria e Brendshme dje (16.05.2021) vazhdoi me kontrollet e intensifikuara në fushën e trafikut.
“Në territorin e qytetit të Shkupit, u vendosën gjithsej 253 masa, përfshirë 110 gjoba për tejkalim të shpejtësisë, 16 për ngasje pa patentë shoferi, tre për kalimin në sinjal të mbyllur (drita e kuqe).
Nëntë gjoba u vendosën për automjete të paregjistruara, katër për mos përdorimin e rripit të sigurimit, 20 gjoba për parkim të paligjshëm”, informojnë nga Ministria e Brendshme.
Kontrollet e trafikut të veprimit të intensifikuar vazhdojnë.
Nga atje u bëjmë thirrje qytetarëve që të respektojnë rregullat dhe rregulloret e trafikut në mënyrë që të rrisin sigurinë në komunikacion dhe së bashku të kontribuojnë në rrugë më të sigurta./Telegrafi/
The post Gjobiten 253 shoferë në Shkup appeared first on Telegrafi.