Historiani bullgar Stefan Deçev paralajmëroi formimin e një komisioni të përbashkët bullgaro-maqedonas. “Komisioni i Historisë në hije”, i cili do të punojë paralelisht me Komisionin ekzistues për Histori dhe Arsim, dhe i cili duhet t’i hapë rrugën procesit negociator mes Bullgarisë dhe Maqedonisë së Veriut.
Siç njofton Agjencioni Informativ i Maqedonisë, Deçev, i cili është anëtar i Klubit të Miqësisë Bullgaro-Maqedonase, ka deklaruar se Komisioni i ri do të ketë agjendën, kalendarin, takimet dhe qëllimet e veta dhe do të tregojë se si duhet të mos ketë skandale pas çdo takimi të historianëve nga të dy vendet.
Deçev shpreson se anëtarët e “Komisionit në hije” do të jenë të gatshëm për dialog të hapur.
“Qëllimi është të tregohet se është e mundur të mblidhen njerëz në të dy anët e kufirit dhe të zhvillohet një dialog i ndershëm dhe i frytshëm në të gjitha fushat e jetës”, tha Deçev, duke folur për misionin e Klubit të Miqësisë Bullgaro-Maqedonase, i cili ka më shumë nga 120 anëtarë.
Deçev njoftoi gjithashtu se aktiviteti i parë publik i Klubit të ri në Bullgari do të mbahet më 16 maj.
Ndërsa, lidhur me deklaratat e presidentit të Bullgarisë, Rumen Radev për negociatat për anëtarësimin e Maqedonisë së Veriut në BE, Deçev tha se kreu i shtetit bullgar nuk është ai që duhet të thotë se si janë gjërat për sa i përket historisë.
The post Historiani Deçev: Do të formojmë një komision bullgaro-maqedonas për historinë appeared first on Telegrafi.