Maqedonia e Veriut është e dyta në rajonin e Ballkanit Perëndimor për sa i përket shpenzimeve të mbrojtjes si përqindje e produktit të brendshëm bruto (PBV), sipas një studimi të Institutit Ndërkombëtar të Kërkimeve për Paqen në Stokholm (SIPRI), të publikuar nga “Radio Evropa e Lirë”
Sipas të dhënave, Serbia ka është lidere në pesë vitet e fundit me 2.6 përqind të PBV-së së saj të drejtuar për shpenzime ushtarake, ndërsa Maqedonia është menjëherë pas saj me 2.1 përqind. Kjo pasohet nga Shqipëria (2 përqind), Mali i Zi (1.8 përqind), Kosova (1.5 përqind) dhe Bosnja dhe Hercegovina (0.7 përqind).
“Ndryshe nga Serbia, e cila, megjithëse e shpall veten një shtet ushtarakisht neutral, investon intensivisht në armatime si perëndimore ashtu edhe lindore, Maqedonia, si anëtare e NATO-s, po ndërton kapacitetet e saj përmes bashkëpunimit me aleatët e saj nga Aleanca”, thonë studiuesit.
Sipas SIPRI-t, vetëm në vitin 2024, Serbia ndau rreth 2.2 miliardë dollarë për ushtrinë, pothuajse pesë herë më shumë se Shqipëria, megjithëse të dy vendet kanë popullsi të ngjashme.
Nga ana tjetër, Maqedonia e Veriut, me investimet e saj në mbrojtje, përmbush detyrimin ndaj NATO-s për të ndarë të paktën 2 përqind të BPV-së për shpenzime ushtarake, dhe theks i shtuar i vihet modernizimit dhe pajisjes së ushtrisë me pajisje perëndimore./Telegrafi/