Maqedonia e Veriut e ka mbajtur konferencën e parë ndërqeveritare me BE-në, me çka edhe zyrtarisht i ka filluar negociatat për anëtarësim në Union.
Pas konferencës së parë ndërqeveritare, Komisioni Evropian menjëherë e ka filluar edhe procesin e skriningut, i cili përmban 35 kapituj. Telegrafi Maqedoni do t’iu informojë për përmbajtjen e secilit kapitull nëpër të cilët duhet të kalojë Maqedonia e Veriut.
Kapitulli i 21-të: Rrjeti Trans-Evropian
Ky kapitull mbulon politikën e Rrjeteve Trans-Evropiane në fushat e transportit, telekomunikacionit dhe infrastrukturës energjetike, duke përfshirë udhëzimet e Komunitetit për zhvillimin e Rrjeteve Trans-Evropiane dhe masat mbështetëse për zhvillimin e projekteve me interes të përbashkët. Krijimi dhe zhvillimi i Rrjeteve Trans-Evropiane dhe promovimi i ndërlidhjes dhe ndërveprimit të duhur të rrjeteve kombëtare ka për qëllim përfitimin plotësisht nga tregu i brendshëm dhe të kontribuojë në rritjen ekonomike dhe krijimin e vendeve të punës në Bashkimin Evropian.
Ndryshe, përveç kapitujve të BE-së, Maqedonia e Veriut ka nënshkruar edhe protokoll me Bullgarinë, i cili përmban gjithashtu disa rekomandime dhe detyrime, të cilat duhet të plotësohen nga të dy shtetet, për të mos pasur pengesa në anëtarësimin e Maqedonisë së Veriut në BE./Telegrafi/
Kapitulli i 21-të i negociatave të Maqedonisë së Veriut me BE-në: Rrjeti Trans-Evropian shkruan Telegrafi.