Komuna e Tetovës përmes një njoftimi se duke avokuar për transparencë maksimale ndaj publikut është publikuar edhe Lista e të gjitha kontratave në vepër të lidhura me komunën për vitin 2021.
Sipas Komunës së Tetovës, bëhet fjalë për 812 kontrata në vepër që qeverisja e kaluar e komunës ka arritur të dakordohet me 812 persona.
“Persona që kanë sjellë raport për punën e kryer, në përputhje me marrëveshjet, do t’u paguhen të gjitha mjetet financiare të ngelura si rezultat i inspektimit të kësaj shkelje ligjore nga strukturat e pushtetit lokal nga qeverisja e kaluar. Kurse atyre që nuk kanë dërguar raport për punën e kryer do t’u dërgohet njoftimi për kthimin e mjeteve të marra nga kontratat e tyre në buxhetin e Komunës së Tetovës. Në të kundërtën do të parashtrohet padi penale në organet e drejtësisë”, thuhet në njoftimin e Komunës së Tetovës.
Ata shtojnë se kontratat mund t’i gjeni në ueb-faqen e komunës si dhe në faqen zyrtare në “Facebook“./Telegrafi/
Komuna e Tetovës publikon 812 kontratat në vepër të qeverisjes së kaluar: Disave do t’u kërkohet kthimi i parave shkruan Telegrafi.